ler e escribir. Escribir para ler.

Comprensión lectora. Conceptos clave

2011-12-19T01:46:00.000+01:00

No colexio de A Rúa, en Cangas, estableceron para este ano un tema clave "a mellora da comprensión lectora". Chámanlle ao seu proxecto "Leo, leo... que les?" e mesmo eles e elas (os/as profes) quixeron formarse e investigar, recordar, debater, refrescar e experimentar.

Tiven a a sorte de que me invitasen a acompañarlles nunha xuntanza de traballo. Utilizamos esta presentación para falarmos dalgúns conceptos importantes (mesmo discutibles) que haberán de traballar neste grupo de traballo de profes entusiastas.

Comprensión lectora. Conceptos clave

Publish at Calaméo or browse others.

Visita algún dos blogs deste colexio

Como inserir multimedia nunha entrada do blog

2011-10-15T23:44:00.000+02:00

Din que unha imaxe vale máis que mil palabras. Daquela, un fragmento de vídeo que pode valer? Imaxe e son, e movemento...
En fin, sexa cal sexa o seu valor exacto, de certo que podemos engadir valor aos nosos textos dixitais mediante algúns elementos multimedia.
Poñamos un exemplo:
Como poderiamos explicar o que é un fonema, o seu valor de contraste, mellor que visualizando este anuncio publicitario: El Castor!

Como crear unha ligazón (hiperenlace, vencello...)

2011-10-15T22:55:00.002+02:00

Un texto dixital posibilita a lectura discontinua. É moi frecuente que os textos dixitais incorporen un recurso chamado "ligazón" ou hiperenlace, que consiste en que unha determinada parte do texto (unha palabra, unha frase, unha imaxe, etc) é unha porta que se abre.

Convén que te afagas á técnica de crear vencellos nos textos dixitais. É moi doado. Consiste en seguir estes dous sinxelos pasos:

1) Selecciona a parte do texto que queres transformar nunha ligazón.
2) Preme - no menú superior - na palabra enlace (ou na icona con forma de cadea ou lazo). Abrirase unha ventana onde debes escribir a dirección web (URL) á que queres dirixir ese enlace*.

* Quizais, para que che sexa máis doado, podes ter copiado previamente esta URL para así poder pegala e non cometer erros.

E xa está. Traballo feito.

Competencia comunicativa

2011-05-20T12:54:00.002+02:00

Máis que lingüística, plurilingüe; máis que verbal, tamén non verbal

A competencia comunicativa atinxe a aspectos múltiples: á escoita, á fala, á escrita e tamén á lectura, ao diálogo, á convivencia, á construción do pensamento, á regulación das emocións, do comportamento persoal e tamén social; é o vehículo da aprendizaxe, da transmisión cultural.

Como non vai ser unha das oito competencias básicas. É A competencia Básica!

Tratamos máis polo miúdo esta competencia nun blog que chamamos TILgalicia (TIL son as siglas que corresponden ao Tratamento Integrado das Linguas). Visítao; ademáis de múltiples cuestións de interese arredor deste asunto poderás consultar o MCER (Marco Común Europeo de Referencia) para as linguas e múltiples documentos acerca de metodoloxías que favorecen a competencia comunicativa. Tamén verás ligazóns a bitácoras de relevancia neste eido educativo tan actual.

Agardo que atopes referencias interesantes. E - por certo - gustarei de saber da túa opinión e recomendacións para enriquecer o contido deste blog.

Vencellos

2011-03-17T10:35:00.000+01:00

Para que vimos á escola? Para ser felices.
Así comeza o curso.
Este documental, ademáis de emocionante, resultou para min un fermoso recordatorio. Ás veces coido que ficamos tan ocupados no accesorio que perdemos de vista o esencial. Se estás interesado na didáctica da lectura e da escrita; se acaso queres explorar as emocións; mesmo a metodoloxía de proxectos; en fin, se che interesa a educación, dedícalle uns intres a este documento. Non o esquecerás.
(Este vídeo é o primeiro de cinco partes, disponilbles coma esta en youtube)

Xéneros textuais: que son

2011-03-16T12:17:00.000+01:00

Esta é unha presentación de Felipe Zayas - un referente na didáctica da lingua - sobre o concepto de xénero textual. Coido que pode axudar a delimitar este concepto de tanta importancia á hora de aprender e de ensinar a ler, e a escribir.

Open publication - Free publishing - More genero

Obradoiro de Poesía: propostas de actividades

2011-02-21T15:00:00.009+01:00

Nesta ligazón tedes todas as propostas que levamos para traballar na sesión do día 17:

Obradoiro de poesía: actividades

Publish at Calaméo or browse others.

Lugares visitábeis de onde recollimos propostas e podedes encontrar máis:

Nesta outra ligazón, a teoria que tedes que estudar:

Teoria

View more presentations from farangulha.

A escribir apréndese... escribindo; e a bailar...

2011-02-20T19:38:00.000+01:00

- Teño medo de cometer un erro.
- Non hai erros no tango - resposta o coronel - Sinxelo. Non é como na vida. No tango, se tropezas, érgueste e continúas co seguinte paso.

A escea pertence ao film Scent of a woman (Esencia de muller)

Xéneros textuais: o pobrepoint*

2010-10-20T11:45:00.002+02:00

Entre todos os xéneros textuais que poidamos ter en conta á hora do ensino e da aprendizaxe da lecto-escrita, hai un que destaca e resulta prioritario. É un xénero relativamente novo e moi útil, especialmente para nós, mestres. Refírome ao pobrepoint* esa perigosa ferramenta.

As presentacións poden ser desde un magnífico recurso até un pesadelo para unha audiencia desprevenida. Todo depende do uso que lle deamos.

Velaí un dos máis famosos pobrepoints* que trata específicamente desta dualidade.

O alumnado de primaria e secundaria debe aprender a utilizar este xénero textual (ler e escribir, coma sempre). Quizais, para empezar, debemos nós ir revisando o asunto, non vos parece?

Death by PowerPoint

View more presentations from www.kapterev.com.

Deus escribe dereito con liñas tortas...

2010-06-19T19:47:00.008+02:00

Desde a terraza da casa podo ver a Ría de Vigo, con Cangas e Moaña ao fondo, que se iluminan de cores e luces de artificio cando comeza o día de aninovo. E tamén podo ver as Illas Cíes, illas que forman parte Parque Nacional das Illas Atlánticas de Galicia. Pero na miña visión directa das Cíes, onde a Larus michahellis ten a súa principal colonia, interponse, fachendosa, unha edificación na illa de Toralla froito da especulación inmobiliaria dos anos 60.
Desde sempre supuxo unha cicatriz na face da Ría. Sempre vin ese edificio como algo que distorsionaba o contorno. Pero ocorreu algo que cambiou esa visión miña: o asasinato do músico Lois Reigosa.
Desde entón, cando vexo para a bocana da Ría e cruzo a mirada co edificio de Toralla, imaxino un sorriso lembrando as pescudas do inspector Leo Caldas e do seu axudante Rafael Estévez para resolver o crime. Todo isto llo debo a Domingo Villar e ao seu libro Ollos de auga.
Ao final parece que, como lle dixeron ao tamén famoso detective literario galego Nivardo Castro en O misterio do barco perdido, "... Deus escribe dereito con liñas tortas."

Ollos de Auga, Domingo Villar. Editorial Galaxia, colección Literaria. 2005.

2010-06-03T13:20:00.004+02:00

PREGUNTAS:

POR QUE OS LIBROS DE TÉCNICAS DE ESTUDO SON TAN COÑAZO?

POR QUE OS LIBROS PARA DESENVOLVER TÉCNICAS DE LECTURA RÁPIDA SON TAN ABURRIDOS?

Eu non coñezo a resposta a estas preguntas, non obstante ofrézovos un exemplo de libro do tipo "libros de autoaxuda" que ainda que ten bastante autopropaganda defende unha estratexia de organización de material para o recordo moi útil e moi lúdica OS MAPAS MENTAIS. o BO QUE TEN É A SÚA BREVIDADE E IMPACTO VISUAL. O TÍTULO do libro é "Como crear mapas mentales. El instrumento clave para desarrollar tus capacidades mentales que cambiará tu vida" , o autor é Tony Buzán e pódese descargar dende Sribd para a sua consulta.

En canto teña cinco minutos subirei un breve resumo que fixen para verdes a utilidade.

2010-06-02T14:35:00.002+02:00

" TEMPO DE PRACER PARA A LECTURA, POR FAVOR "

Boas, con esta imaxe de Mafalda, reinvindico dende aquí o dereito a "ter un tempo para ler", pero un tempo no que poidamos dedicarllo á lectura polo pracer de ler e no que poidamos descubrir qué se esconde no libro que acabamos de coller nas nosas mans, no xornal que imos revisar... Pero que non sexa unha imposición de ninguén por favor!

Bea

Xéneros textuais: contrato para maestras

2010-05-21T01:47:00.002+02:00

Este contrato non ten desperdicio. Como cambian os tempos, ou non?

Open publication - Free publishing - More feminism

Xéneros textuais: carta a un banco

2010-05-20T12:47:00.004+02:00

Na procura da comprensión lectora existen algúns conceptos que poden resultar moi útiles. Un deles é o concepto de xénero discursivo. Todo profe coñece e utiliza - con maior ou menor frecuencia - algún destes xéneros para que o alumnado exercite a súa comprensión e mesmo practique a expresión escrita. Algúns xéneros poderiamos consideralos xa como clásicos na didáctica das linguas: a carta, o conto, unha receita de cociña, un lema... incluso hai moitos xéneros que adoitamos solicitar sen - as veces - ter ensinado a facer, tales como esquemas, resumos, cadros, sínteses... ou o máis habitual de todos os xéneros, e o que ten un significado máis difuso: o "traballo" sobre... A quen non vos teñen pedido: Faime un "traballo" sobre... un libro, un autor, un tema concreto, unha cuestión de actualidade, eu que sei, é un concepto amplo.

- Que demo é un traballo sobre...? En que consiste? Como se fai? Que apartados ten? Que extensión? En que centrar a atención? Non podemos entrar na wikipedia e colleitar un feixe de parágrafos chulos e adornalos cunhas ilustracións vistosas? Por que?

Traballei nun colexio no que o alumnado recollía receitas tradicionais do seu entorno e escolliamos a máis apetecible, e - o que é máis importante - despois preparabámola e degustabamos o resultado. Hai dous ou tres postres no meu persoal repertorio que aprendín froito daquelas experiencias.

E hoxe enviáronme esta carta. Unha carta para o banco.

Que achego como un bo exemplo. Ou como unha boa proposta para animar a escribir.

Moi señores meus:  

 Pola presente lamento comunicarlles que teño decidido pagar un 5% menos no recibo mensual da hipoteca que teño co seu banco. Foi una decisión difícil pero éme imprescindible recortar gastos para salvar a miña economía particular e mesmo reducir o meu déficit.  

 En situacións coma esta é cando todos debemos arrimar o ombreiro polo que lles pido comprensión e solidariedade.  Eu, coma o resto de cidadáns, colaborei no seu día na inxección de liquidez que recibiron vostedes para salvar o sistema financieiro. 

 De feito, vinme forzado a tomar esta decisión porque os meus pais, ao ver o saldo da miña conta corrente, temen verse na obriga de deixarme cartos e vostedes, como banqueiros que son, saben mellor que ninguén que non ten senso algún poñer capital se non é para conseguir pingües beneficios.   

Iinformeime e sei que é lícito tomar este tipo de decisións de xeito unilateral e sen previa negociación (Hai precedentes; ver declaracións do Presidente do Goberno no parlamento o pasado 12 de maio).  

 Aproveito a ocasión para comunicarlles que xa dispoño de suficientes tixolas e non preciso que me agasallen con ningunha máis.   

Atentamente,  

 Un funcionario hipotecado.

Microrelato

2010-05-20T10:42:00.003+02:00

Cando saíu, aquela rapaza aínda vivía
Versión dun relato de Natalia Franco

Obradoiro de escrita

2010-05-19T20:25:00.002+02:00

Comeza o concurso!
Un grupo de profes escribirá nestes días entradas nesta bitácora. A temática - non podería ser outra - a aprendizaxe da lectura e a escrita. Este noso obradoiro de escrita traémolo aquí para experimentar con este xénero discursivo que son as entradas dun blog.
Agardamos por unhas magníficas entradas. Estade atentos e atentas. A ver que nos contan!

Actividades TIC de animación á lectura

2009-11-19T20:14:00.002+01:00

Este novo portal Leer.es, que comentabamos no anterior post, comeza a ter contido (e aínda é novo). Seica comentaban no congreso que "O portal quedaba feito. Agora, tócanos a todos/as facer o resto do edificio!. Pois moi ben.

Nunha das webs recomendadas, que se chama educacontic e que está moi interesante, atopei unha entrada antiga que ven moi ao conto aquí. Unha revisión exhaustiva de propostas TIC para a animación á lectura. Recoméndovos unha ollada.

Preme aquí para acceder diréctamente ao post comentado.

Leer.es

2009-11-13T12:35:00.004+01:00

Hoxe nace unha ferramenta interesante: a web leer.es

Semella de interese porque implica a moitas das persoas e colectivos que veñen sendo os referentes máis senlleiros no eido da lectura e a escritura nestes últimos anos. Hoxe mesmo, á tarde, comezan unhas xornadas de formación que serven para presentar esta iniciativa. Non houbo sitio para todos/as. Lástima! Eu anotárame!

Pero podemos seguir as conferencias, porque as van emitir en directo na propia web. Moitas delas semellan apetecibles.

Este é o programa do congreso, por se vos interesa (D. Cassanny, Isabel Solé, Elena Martín... e dirixe o profesor Emilio Sánchez Miguel)

En fin.

Uxío

2009-07-03T13:31:00.002+02:00

Ao fin, as letras galegas adícanse ao poeta do Courel.
2010 ano de Novoneyra

Para sempre Benedetti

2009-05-18T13:25:00.003+02:00

Anda! un agasallo, e de moi lonxe!

2009-05-09T00:52:00.007+02:00

Menuda sorpresa marabillosa levei! Déronnos un premio! E ademáis foi dunha biblioteca escolar! De quen podería ser mellor recibir un premio! Mellor que dun deses santuarios da imaxinación e da cultura agochados nos coles!
Moitas, moitas grazas! É unha grande ilusión saber que o noso blogue pode gustarvos e - por riba de todo - servirvos de algunha axuda.
Así pois, seguiremos as normas que conleva este agasallo fenomenal, que son as seguintes:
1º Exhibir a imaxe do premio
2º Poñer o nome do blog que nolo concedeu
3º Nominar a 10 blogues preferidos
4º Avisar a estes 10 blogues
5º Publicar as reglas
6º Comprobar que os blogues sigan estas regras

Polo tanto, quedanos por nomear aos nosos blogues "maneiros". Pois serán os seguintes:

http://engalego.blogspot.com
http://casadetolos.nireblog.com/
http;//cadernodelingua.wordpress.com
http://sereassencadeas.blogspot.com/
http://bitacoracooperativa.blogspot.com
http://www.blogoteca.com/orecantodemik
http://bibliolaxe.blogspot.com
http://bemilladoiro.blogspot.com
http://englishsantome.blogspot.com
http://bibliomalveiras.blogspot.com

Outra vez un cariño para unha biblioteca chea de tesouros que nos honrou coa súa visita. É a bitácora do colexio de Esteiro, en Ferrol. Agardamos seguir tendo novas do voso traballo.

Como medir a comprensión lectora

2009-03-03T11:32:00.003+01:00

Sabemos que a competencia lectora comprende variadas e múltiples capacidades que van moito máis aló da propia capacidade de decodificar os signos escritos nun papel.
Cando deseñamos probas para medir a competencia lectora, a comprensión, ás veces quedámonos cunha medida mínima do que pretendemos medir.
Aínda que sempre quedaremos escasos, hai algunhas medidas que poderiamos tomar para deseñar probas algo máis completas.
Medir a comprensión lectora, que difícil tarefa.

2009-03-03T11:30:00.000+01:00

Ler según PIRLS

2009-02-23T13:48:00.002+01:00

As diferentes propostas de avaliación da lectura que coñecemos achegan interesantes reflexións acerca da lectura mesma. Non é casual, xa que, cando pretendemos medir a competencia lectora do alumnado, temos que partir dunha análise profunda do feito mesmo, da lectura en si mesma.

En que consiste, pois, ler?

Daquela, como podemos medir a competencia lectora?

Velaí a proposta das chamadas probas PIRLS (Estudio internacional do progreso en comprensión lectora). Este cuadro tireino dunha bitácora sempre de moito interese: o blogue de Felipe Zayas, que moitos/as de vós coñeceredes xa.

Este mapa conceptual nos ofrece unha visión dos procesos implicados na lectura. Desde o meu punto de vista, é de moito interese.

Reflexións repousadas

2008-05-26T18:29:00.005+02:00

Despois de varios días desde a finalización do curso poderiamos facer algunhas reflexións sobre os contidos tratados. Coido que podería ser un bo momento. A ver que vos parece:

O reto consiste en facer un comentario nesta entrada. Un comentario que inclúa unha reflexión sobre a lectura, a escrita e as diferentes ópticas que temos analizado acerca dos procesos de ensino e de aprendizaxe de ditas capacidades.

Seguro que cadaquén tirou diferentes apreciacións. De certo que a cada un de vós, a cada unha, teranlle chamado a atención certas propostas, certas ideas máis que outras.

Interesanme, sobre todo, os cabos dos que poidamos tirar. Pregúntome polas repercusións que terá a nosa actividade na vosa práctica de aquí en adiante.

Quero saber, en fin, das vosas reflexións -non tanto sobre a actividade- que xa sei algunhas, como da temática que tratamos, coa vista posta en futuras propostas, en futuras colaboracións e vindeiras posibilidades.

Agardo polos vosos comentarios.

Claves para gañar lectoras e lectores

2008-05-15T11:23:00.002+02:00

Onte foi unha sesión, para quen esto escribe, de moito interese. Agardo que fose tamén grata para o resto dos participantes. Grazas a todas e todos. Como a segunda parte foi un pouco ás presas... poño aquí o esquema que seguimos... e animo a facer comentarios sobre o tratado... para avanzar entre todos.

View Upload your own

Presentación correspondente á sesión do 14/05/08 no curso "Ler e escribir. Escribir para ler", celebrado en Pontevedra.

SlideShare Link

Sobre "itinerarios lectores"

2008-05-07T20:34:00.003+02:00

Uns dos instrumentos dos que nos podemos valer para traballar a competencia lectora e a competencia literaria do alumnado, e que constitúen un dos aspectos a coidar no deseño e desenvolvemento do Proxecto Lector de Centro, son os itinerarios lectores:

Ao meu entender, estas serían as súas claves:

Son seleccións de títulos axeitados para cada nivel de idade, escollidos con criterios de calidade e en función de obxectivos recollidos no Proxecto Lector de Centro.
O itinerario lector debe favorecer a adquisición da competencia lectora do alumnado.
Son os libros “que non queremos que se perda o noso alumnado”.
O listado debe ser aberto e flexible, revisable, para acoller novidades de interese e lecturas “xeracionais” , ao tempo que retirar títulos que non funcionan.

Libros e películas sobre libros e lectura

2008-05-07T12:56:00.005+02:00

Supoño que lembrades unha proposta que fixemos na sesión do día 7 de abril; aparte dos dous títulos que se propuxeron para ler e comentar... quedaramos en facer unha relación de títulos (valen libros e películas) que tratan dalgunha forma o tema dos libros e a lectura. Sería bo ir facendo achegas entre todos... Velái van algunhas:

- EL lector. Bernhard Schilink (Edit. Anagrama. Bacharelato, adultos)

- Corazón de tinta. Cornelia Funke. (Edit. Siruela. Lectores autónomos)

- Un león en la biblioteca. Michele Knudsen. (Edit. Ekaré. Primeiros lectores)

Falando de amor e libros...

2008-04-25T22:13:00.003+02:00

Agustín Fernández Paz é un escritor ben coñecido polo profesorado deste país e, afortunadamente tamén, polos lectores máis novos. Os seus títulos son moitos e as temáticas que trata diversas. As referencias aos libros que lle gustan son moi comúns nas súas obras.
O único que queda é o amor é o seu primeiro libro de relatos "para adultos". En realidade, moitos dos libros de Agustín publicados en coleccións de literatura xuvenil por compromiso do autor con esta literatura, poderían ter sido publicado noutras coleccións "sen calificativos" e seguramente poderían ter tido, tamén, maior difusión. A este pásalle un pouco o mesmo... ¿desde cando un lector, unha lectora, está preparada para ler este libro de relatos sobre o amor e o desamor? Pois depende... todo depende... Estamos falando de literatura... sen máis límites.
O único que queda é o amor é a segunda proposta de lectura que fixemos a este "club de lectura" do curso Ler e escribir. Escribir para ler, especialmente, dous dos relatos deste libro: o primeiro e o último: Un radiante silencio e Un río de palabras, polas relacións destes textos con outro libros e mesmo con propostas claras de fomento da lectura que deles se poden derivar.
Agardamos os comentarios das persoas que se decidisen por esta obra... mentres imos chegando á sesión do día 14 demaio.

RÚA DA CENTOLA 2IO

2008-04-25T13:38:00.003+02:00

"Unha habilidade esencial de entre as asociadas á lectura, que endexamáis se ensina a ningún lector, é a de depender o menos posible dos ollos.
Semella quizais absurda a miña proposta inicial? Pois ben, aquí propóñome demostrar que os ollos xogarán un papel bastante limitado na lectura e que a preocupación indebida polos signos impresos nunha folla de papel serve unicamente para dificultar a lectura. Un principio básico da visión é que, canto máis agarde vostede dos seus ollos, menos probabilidades ten de ver nada. Este principio resulta singularmente aplicable á lectura, onde un exceso de atención á páxina en fronte pode ter o efecto transitorio de converterlle nun cego funcional." (...)

Frank Smith, Para darlle sentido á lectura, Visor

A propósito de Firmin

2008-04-25T10:04:00.000+02:00

¿Aún no sabes quién es Firmin?
Con esta pregunta anunciaba Seix Barral a décima edición desta novela, a pasada fin de semana, nun coñecido suplemento literario. Un escritor con gran sentido do humor, como Eduardo Mendoza, afirma nesta mesma mensaxe publicitaria: "No es un ratoncito humano, sino un ser humano en un cuerpo de rata... auténticamente poético".

Pois ben... ¿e ti xa sabes quen é Firmin? ¿Decidícheste pola lectura deste libro?¿Xa che gañou a súa sutil ironía?¿Ou.... non é ironía?
Ábrese o club de lectura sobre Firmin... Agárdanse comentarios...

Entre tanto, unha pílula para comezar:
"En este sentido, comprar en Pembroke era como leer: nunca sabe uno con qué va a encontrarse en la página siguiente -la estantería, el montón, la caja siguientes-, y eso constituía una parte importante del placer. Y eso constituía una parte importante del placer de los túneles, también: nunca sabía uno qué aguardaba a la vuelta de la esquina, al final del conducto siguiente".

"¿Es todo libro lo que se lee?"-2 Multilectura

2008-04-22T18:38:00.005+02:00

Continuando co tema iniciado por Javier, deixo aquí para "ilustrar" a reflexión sobre o que el propón tan acertadamente, unha cita un pouco longa de Daniel Cassany, do seu libro "Tras las líneas" , Barcelona: Anagrama, 2006 (pax. 151-152)

Esto es la multilectura o la multiliteracidad. La lectura plurilingüe hoy requiere usar simultáneamente varios idiomas, registros, géneros discursivos, contenidos, retóricas, etc. En pocos minutos saltamos de un tema laboral a otro profesional, de un estilo coloquial a otro formal, de un amigo íntimo a un desconocido, de un razonamiento técnico a una broma irónica. Es como hacer zápping con el mando a distancia del televisor. Pero en vez de canales tenemos discursos en diferentes lenguas y retóricas, con diferentes contenidos e interlocutores.

También hay ocasiones para leer sin saltos en un solo idioma, una novela apasionante... o un invorme espantoso. Pero para muchos hoy la práctica de la lectura es fragmentada, rápida, heteógénea, heterodoxa, imprevisible... (...) Muchas personas se comportan así: navegan por Internet, consultan webs plurilingües, mantienen contactos con gente de todas partes, atienden a sus obligaciones administrativas, siguen sus estudios. Es consecuencia de la globalización. Quiza sea una práctica más frecuente entre los jóvenes, porque están más familiarizados con Internet. Pero la multiliteracidad no es exclusivamente electrónica: también saltamos de un libro a una fotocopia, al periódico, a la correspondencia postal, a los apuntes manuscritos, etc.

Ler pintura e música

2008-04-22T18:26:00.009+02:00

TRAS A MAR, DENTRO DELA
baixo ela, fonduras
de pel de anémona.
Xenitais no refuxio:
perda. Pasada pedra
percebeira que rompe
o corazón. Camiño
declinante do clarón.
Encaixe do coral co
hipocampo de sal. Dos
beizos da ondina ao
torso do afogado.
Baba, escuma e a súa desaparición.
Levitación do xeo
estela de escualo
burbullar de cinema.
Corrente revirada
a través do galeón.
Corusca o esperma
polo ollo do polbo.
Cometas de aceiro
pombas que soñou poeta
polo teito gasoso.
Deriva encantada
do rumbo naufragado.

Poema e voz: Xabier Correa Corredoira.
Gravación: 25/05/07
Imaxe: Arroace. 1985. Linóleo. Proba de autor. 9x21 cm
Música: Amatorius de Rodrigo Leão
=Xabier Correa Corredoira animou coa súa presenza e coas súas palabras a entrega de premios do XIV Certame Literario de Cambre. Xabier (A Coruña, 1952) é pintor, gravador, escultor, e nun tempo inicial quixo ser poeta. Do seu paso polo noso instituto déixanos a impresión da súa humanidade e estes versos que escoitastes na súa propia voz.

Penso que a súa obra, dalgún xeito, leva unha mensaxe nunha "botella al mar", e que nese manuscrito submariño poderemos ler estas palabras como un recado para o mundo: "Só quedan, tal vez, as nubes"

Lino Braxe

Prólogo ao catálogo da exposición Os días gravados, Fundación Luís Seoane, A Coruña, Novembro-Decembro 1999.

Bibliografía TIC en Lingua e Literatura

2008-04-22T18:01:00.002+02:00

¿ ES TODO LIBRO LO QUE SE LEE?

2008-04-19T11:12:00.007+02:00

WOODY ALLEN.

"Tomé un curso de lectura rápida y fui capaz de leerme "la guerra y la paz" en veinte minutos. Creo que decía algo de Rusia".

MANUEL VICENT
PANTALLAS ( 13/04/2008)

No recuerdo haber visto nunca en una película norteamericana el interior de una casa donde apareciera una biblioteca familiar. Tampoco a ningún héroe del cine clásico, Gary Cooper, John Wayne, Henry Fonda, leyendo un libro en la mecedora del porche después de realizar cualquier hazaña. Por los descampados del lejano oeste puede que a veces cruzara un tipo con un levitón polvoriento vendiendo biblias. Queda la estampa cinematográfica de algún reverendo abriendo el libro de los salmos al borde de una fosa descarnada en el momento de mandar a los verdes valles del Edén a cualquier fiambre, pero luego, nada. Los deudos devoraban la tarta de frambuesa que había preparado Maureen O'Hara para después del funeral. Nadie será capaz de imaginar una secuencia con Robert de Niro, Jack Nicholson o Brad Pitt enfrascados en la lectura de una novela. Ni siquiera Woody Allen se ha permitido el lujo de decorar el despacho de su psicoanalista con una estantería cargada de volúmenes manoseados. Los libros en el cine no existen. Esos best sellers con títulos dorados en relieve, que las amas de casa meten en la cesta de la compra junto a las zanahorias, nunca se quedan en casa después de ser leídos. Cuando las cámaras llegan, el trapero ya se los ha llevado. Se ha dicho hasta la saciedad que las pantallas han derrotado a los libros. Media humanidad se pasa el día sentada devorando imágenes. En el avión, en el tren, en el bar, en el hospital donde te acaban de rajar, en el sofá en el que caes rendido al final del día siempre hallarás enfrente una pantalla vertiendo en tu cerebro infinidad de monigotes. Las fotos de los periódicos cada día más grandes, los cuerpos gloriosos de belleza visual que pueblan las revistas satinadas, también se han puesto de parte de las pantallas en la guerra contra la letra impresa. Pero de los libros se salvan siempre las imágenes. Se trata de saber qué tiene más fuerza todavía, si la imagen literaria que conservamos en la memoria después de la lectura o la visión de toda esa fantasmagoría de luces y sombras. Qué deja un oro más profundo en el alma, la goleta Hispaniola navegando rumbo a la Isla del Tesoro a través de las páginas del libro o Gary Cooper soplando la boca del revólver en la pantalla.

Penguin sobre el libro y su futuro.

Dos videos producidos por esta editorial británica donde se plantean dos escenarios posibles para el futuro del libro (me olvidaba, están en inglés pero pienso que se entienden fácil).

Textos que invitan a la reflexión. Una cita, un artículo y dos videos quen nos servirán para comenzar la sesión del día 23. ¿De qué tratará esta sesión? Ahora os toca a vosotros realizar conjeturas, aventurar hipótesis y ,sobre todo, presentar propuestas y comentarios.

Club de lectura - 3

2008-04-16T20:52:00.004+02:00

As reunións do club de lectores seguirán unha serie de normas establecidas polos integrantes do club:
- Os membros do club comprométense á lectura da obra escollida e a asistir ás reunións na data sinalada.
- En cada reunión, os membros do club ou o mediador establecerán o tramo de lectura para a seguinte cita. Se un membro decide avanzar máis rápido do marcado, comprométese a non adiantar esta información.
- Unha vez á semana, cada quince días ou ao mes, os lectores dun mesmo libro reuniranse para comentar o seu avance na obra ou a descuberta dos parágrafos que lle resultaron máis salientables, compartir os significados, as opinións sobre o lido, as emocións xurdidas, etc.

Todo o anterior responde a unha fórmula concreta e xa moi probada de club de lectores, pero nun centro educativo poderían poñerse en xogo outras fórmulas máis abertas: por exemplo, propoñer dende a biblioteca, e coa participación dos lectores que así o decidan, unha serie de títulos para ler ao longo dun período escolar, normalmente, un título por mes. Difundir a través de todos os medios (taboleiro, páxina web, panfletos, blogs persoais...) o “título do mes” e posibilitar do mesmo xeito que no caso anterior o acceso aos exemplares propostos. As persoas máis implicadas (equipo da biblioteca, persoa coordinadora, lectores máis interesados) motivarán comentarios sobre a obra lida nos espazos e tempos informais (cafetería, corredores, patio...), integrando no posible toda a comunidade escolar. Deste xeito, irase creando un ambiente proclive ao feito lector, polos elementos afectivos e de vínculo que se poñen en xogo. Simultaneamente, a biblioteca proporcionará soportes (impresos, electrónicos, radiofónicos...) para a comunicación de opinións, comentarios e recomendacións sobre os libros lidos. Esta forma aberta de club de lectores funciona nalgúns centros escolares con éxito (ver http://www.alburquerque.net/ies/ ).

Colectivo Acatrotintas: Ler o mundo. Guía para o profesorado. Hora de ler. Consellería de Educacion. 2006

Club de lectura - 2

2008-04-15T22:31:00.004+02:00

O elemento vertebrador do club de lectores é a persoa mediadora. Indiscutiblemente, ten que ser unha persoa lectora, que estea disposta a ocupar parte do seu tempo en promover unha actividade deste tipo. Non ten por que ser un profesor das áreas de lingua, nin tampouco o responsable da biblioteca. A súa función inclúe dende a selección dos títulos para ler, a elección da mellor forma para conseguir exemplares destes títulos, a organización das sesións, a publicidade desta proposta, a oportunidade das diversas convocatorias, o control dos tempos, a moderación dos participantes e a difusión das achegas do grupo, se é o caso. Debe, ademais, facerse permeable ás opinións e preferencias dos participantes, integrando os seus gustos e propoñendo, á vez, temáticas e autores que lles permitan avanzar como lectores.

Colectivo Acatrotintas: Ler o mundo. Guía para o profesorado. Hora de ler. Consellería de Educacion. 2006

Club de lectura - 1

2008-04-14T22:46:00.004+02:00

Unha das fórmulas de maior interese para o fomento do hábito lector entre os adolescentes é o club de lectura, porque inclúe varias das condicións precisas para motivar os lectores e lectoras destas idades: a posibilidade de comunicación cos seus iguais e a oportunidade de compartir gustos, inquedanzas, significados, opinións, emocións e descubrimentos sobre as súas lecturas.
Formar un club de lectores na biblioteca consiste, basicamente, en atraer un grupo de rapaces e rapazas que desexen compartir as súas experiencias lectoras, coa mediación dun adulto que conduza todo o proceso. O espazo natural para o club de lectores será a biblioteca escolar, e os tempos axeitados para a súa celebración dependen das posibilidades de cada grupo (recreos, tempos non lectivos). O número de integrantes non debe ser excesivo: entre cinco e quince lectores, como máximo.

Colectivo Acatrotintas: Ler o mundo. Guía para o profesorado. Hora de ler. Consellería de Educacion. 2006

Literacidade (práctica)

2008-04-11T20:07:00.002+02:00

No blog de Hora de ler hai bastantes materiais e pequenas noticias relacionadas coa literacidade, coa cultura escrita, a lecto-escritura, a lectura...

Velaquí un enlace a dúas "entradas" específicas sobre literacidade práctica ou sobre exemplos das posibilidades dos documentos audiovisuais ou electrónicos, e a necesidade de traballar con estas linguaxes no contexto escolar.

2008-04-11T13:30:00.001+02:00

Lectura ¿comprensiva?: El Broski

2008-04-11T13:07:00.001+02:00

De cranta, un brosqui pidró las grascas y una murolla nascró filotudamente. No lo ligaron lligamente, pero lo sarretaron tan plam. Cuando el brosqui manijó las grascas, la murolla drinó priscamente. Al euridor suyo, los misquis lo desgliparon porque estaban nipando el brsoqui. Nalón, la murolla, estaba gastardando frascamente los nisquis, acrollándose del esqueleto. Por eso se fraslíó.

1.¿Qué pridó el brosqui?
2.¿Cómo nascró la murolla?
3.¿Cómo lo sarretaron?
4.¿Quién drinó?
5.¿Quién nipaba el brsoqui?
6.¿Cómo se llamaba la murolla?
7.¿Qué hacía la murolla frascamente?
8.¿Por qué se fraslió la murolla?

Adaptado de: R. Serra y M. Jesús Caballer. “El profesor de ciecias también es profesor de lengua” En Alambique, 12: 48)

A voltas coa lectura.

2008-04-10T22:04:00.004+02:00

Traballamos neste curso cunha concepción do proceso de ler que cuestiona algunhas das teorías comunmente aceptadas. Teorías que, tradicionalmente entenderon o proceso de aprender a ler e mellorar a competencia lectora dun xeito analítico: Primeiro aprendemos as letras, xuntámolas en sílabas que despois trataremos de artellar en palabras. A palabra é a base da aprendizaxe. Logo a oración.

Pero etixesn eviedncais de que o psroeco lector depende doutros factores. É máis un proceso de intaccerion co texto. Un sucesivo ir e vir de hipteósis que se van contrastando. Non lemos pois lrtea a ltrea. Palabra a pabrala. Nin sequera fsrae a frase. Traballamos co texto contrastando as nosas hipótesis. Cbaompromos uhna e ortua vez, a bsae de “gpleos de vtisa” que o txteo di o que cremos que vai dicir.

Así se eclpixa que poidamos ter lido tan facilmente este artículo. Non é?

Velaí tendes a secuencia didáctica de Hodja

2008-04-10T19:49:00.004+02:00

Non recordo de que se trataba. Creo que era sobre un grupo de música punk, ou un xardiñeiro chinés, non sei...

Dá unha volta pola web das bibliotecas escolares

2008-04-10T11:24:00.005+02:00

Poderiamos comezar por...

2008-04-06T18:47:00.001+02:00

Este blogue, que é moi sinxelo pero, polo mesmo, moi doado de utilizar...
como o ves?